新年大掃除｜3大材料製作4種天然清潔劑　清潔玻璃、鏡面、電器無難度！

就快過新年，不少爸媽都趕緊為屋企大掃除，去舊迎新！不少家庭早已棄用有化學成分的清潔劑，因怕容易令小朋友敏感。其實廚房裡也有幾類食用材料，有快速除污潔淨功能，而且製作方法簡單，大家不妨跟以下方法齊齊動手做！

01 玻璃清潔劑

材料：將20g蘇打，加入80g水中，倒入瓶裝容器中即可。

使用方法：用抹布沾取適量蘇打水，擦拭玻璃後再將抹布沾清水，擦掉玻璃上殘留嘅多餘蘇打水白色粉末，連帶清除乾淨灰塵污垢即可。

02 鏡面清潔噴霧

材料：將20g白醋加入80g水，倒入瓶裝容器即可。

使用方法：用一條乾抹布，沾取適量鏡面清潔液，即刻就可以抹鏡。

03 電器洗潔粉

材料：250g蘇打粉及50g乾燥茶葉放入磨豆機中，研磨成細粉狀，再將粉裝罐即可。

使用方法：牙刷沾濕，再用佢沾取適量電器洗潔粉，刷落髒污處，最後再用微濕嘅廚房紙巾局部擦拭乾淨即可。如果擔心有啲家電唔掂得水，用化學成分嘅清潔劑又怕污染食物，咁呢個方法就啱哂你啦！

04 電器除味劑

材料：20g茶葉沖入熱水，滲出深色的茶湯後，隔走茶葉渣，再將茶湯倒入容器（可用隔夜茶），之後再混入50g酒精即可。

使用方法：將抹布沾些除味劑，即可擦拭電器，同時又有消毒之效。茶葉水可以除臭、酒精可以幫助快速揮發，利用呢2樣特性，就可以輕鬆清除家電異味。